Opisya nang gisugdan ang Palarong Pambansa sa silingang probinsya sa Agusan del Sur, samtang gipalig-on usab sa Surigao del Sur ang tourism readiness pinaagi sa mas kusog nga promosyon sa mga destinasyon sa probinsya.
Ang Surigao del Sur Provincial Tourism Office (PTO), ubos sa pagpangulo ni Mary Vil Cruz-Chan, nagpahigayon og Tour Package Site Validation sa bantog nga Tinuy-an Falls sa Bislig City kauban ang Department of Tourism (DOT) National Trainer nga si Freddie Quinito.
Sa maong kalihukan, gipanghatag usab ang mga bag-ong uniporme alang sa mga aktibong miyembro sa IP community, massage therapists, ug Tinuy-an management staff isip suporta sa provincial government sa Surigao del Sur.
Gipadayag sa grupo ang ilang pasalamat sa Bislig City Tourism Office tungod sa lig-on nga suporta ug kooperasyon sa pagpauswag ug pag-promote sa mga tourist destinations sa probinsya.
Tumong sa maong inisyatiba nga mapalig-on pa ang turismo sa Surigao del Sur ug mahatagan ang mga bisita og mas nindot ug organisadong kasinatian sa usa sa pinakamaanyag nga natural attractions sa Mindanao.
Photo courtesy: Provincial Tourism Office
