Hugot nga gipahinumdum ni Agusan del Sur Governor Santiago Cane Jr. ang pagdili sa paggamit sa single-use plastic sulod sa provincial government center, ilabi na ang mga plastic nga plastic bottled water. Kini nga lakang kabahin sa pagpangandam sa Palarong Pambansa nga pagahimoon sa Agusan del Sur.
Matod ni Governor Cane, dako nga problema ug “kalapasan” ang padayon nga paggamit sa single-use plastics, ilabi na kung kini lang ilabay bisan asa ug makadaot sa palibot.
Gipahimangno usab nga kinahanglan walay makitang empleyado o bisita nga magdala og bottled water nga ginama sa single-use plastic sulod sa provincial capitol.
Ang maong polisiya nagtumong sa pagmintinar sa kahapsay, kalimpyo, ug disiplina sa komunidad, ilabi na karon nga nag-andam ang probinsya sa pag-host sa dako nga kalihukan sama sa Palarong Pambansa 2026 ug uban pang umaabot nga selebrasyon sa Agusan del Sur.
