Nagkampeon ang North Korea sa Asian Women’s Champions League. Sila ang pinakaunang “sports team” nga mibisita sa South Korea sulod sa walo ka tuig. Gipildi nila ang Tokyo Verdy Beleza sa Japan sa score nga 1-0.
Giila nga yawe sa kalampusan sa Naegohyang Women si Kim Kyong Yong, kinsa nakasulod sa “goal” sa wala pa ang half-time sa dula nga gipahigayon sa Suwon City, South Korea.
Ang women’s football, giisip nga labing kusgan nga international sports sa North Korea, diin regular silang mosalmot sa mga kompetisyon sa Asya ug sa uban pang mga nasod.
Tungod sa kadaugan, dulaon na usab sa North Korea ang FIFA Women’s Champions Cup.
Photo courtesy: Jung Yeon-je/ AFP
