Plano sa Japan ug Pilipinas nga i-upgrade ang ilang relasyon ngadto sa “Comprehensive Strategic Partnership,” ang labing taas nga lebel sa diplomatic relation gawas sa pormal nga alyansa.
Ang bag-ong partnership magpalig-on sa kooperasyon sa seguridad ug ekonomiya tali sa duha ka nasud ilabina sa nagpadayon nga tensyon sa South China Sea ug East China Sea nga nalambigit sa China.
Gikatakda nga mobisita si Marcos sa Tokyo, Japan aron magsilbing state guest sulod sa upat ka adlaw isip kabahin sa pagsaulog sa ika-70 ka tuig sa diplomatic relations sa Pilipinas ug Japan
Kahibaluan padayon ang panagsumpaki sa Pilipinas ug China sa territorial disputes sa South China Sea, samtang ang Japan adunay tensyon sa China kabahin sa Senkaku Islands sa East China Sea.
Gituohan sa Japan nga importante ang relasyon niini sa Pilipinas tungod sa estratehikong lokasyon sa nasud sa rehiyon.
Matod sa usa ka diplomatic source, ang bag-ong partnership makatabang sa pagpalig-on sa relasyon sa duha ka nasud ug pagmintinar sa kalig-on sa rehiyon.
Photo Courtesy: The Japan Times
