Mipakita ug talagsa-ong abilidad ang usa ka Austrian Stuntman ug gipakpakan sa daghang mga tawo human niya giguyod ang usa ka truck sulod sa 100 metros samtang nagdilaab sa kalayo ang tibuok niyang lawas.
Ang stuntman giila nga si Josef Tödtling nakahimo sa maong talagsaong pasundayag sulod sa 56 minutes isip kabahin sa iyang World Record Attempts sa Extreme Stunts. Matod pa, ang maong pasundayag naghatag kini ug dakong peligro sa kinabuhi sa maong individual ug pwede siyang mamatay niini, samtang walay laing tumong mao ang pagsulay sa limitasyon sa lawas sa tawo pinaagi sa ensaktong training ug disiplina ug mahimo pud siyang mabutang sa kasaysayan sa Guinness World Record.
Ang maong full body burn stunt giila nga usa sa labing delikadong pasundayag sa kalibutan sa stunt performance ug nanginahanglan og taas nga lebel sa safety preparation, apan gihimo lang niini sa yanong pag tuon aron lang makuha ang talagsa-ong abilidad.
Gilauman usab nga magpadayon si Tödtling sa iyang Record-Breaking Stunts aron makahatag ug inspirasyon sa kalibutan sa extreme sports ug safety innovation.
Sa pagkakaron daghan gihapong Netizens ang mibelieve sa iyang kaisog ug talagsaong abilidad tungod sa nagdilaab nga kalayo da iyang biste.
Photo Courtesy: Guinness World Records
