Gitapos ug opisyal nang nanamilit sa iyahang karera isip vlogger ang usa sa labing sikat nga Tagumenyong content creator sa nasud nga si James Torres, o mas naila nga “Bite King”.
Pinaagi sa usa ka emosyonal nga post sa iyahang Facebook page, gipadayag sa maong sikat nga influencer nga panahon na aron ablihan niya ang bag-ong kapitulo sa iyahang kinabuhi ug magpokus na usab sa lahi nga direksyon sa iyang kinabuhi.
Daghan sa iyahang mga followers ug netizens ang dinalian nga natandog ug napuno sa kamingaw human madungog ang maong kalit nga desisyon, ilabina kadtong mga dugay nang nagasubay sa iyahang mga video nga kanunay nagahatag og pagpakatawa, kasadya, ug inspirasyon sa publiko.
Samtang, buhi pa gihapon ang paglaum sa kadaghanan nga sa umaabot nga mga adlaw mausab pa ang huna-huna ni King ug mobalik sa paghimo og mga talagsaong contents alang sa katawhan.
Photo Courtesy : BITE KING
