Gianunsyo ni US President Donald Trump nga usa ka high-ranking lider sa ISIS ang napatay sa usa ka joint military operation sa Africa nga gihimo sa Amerika ug Nigeria.
Ang napatay giila nga si Abu-Bilal al-Minuki, nga giingon nga “second in command” sa ISIS sa tibuok kalibutan. Giingon ni Trump nga maayo ug hapsay ang pagpatuman sa operasyon.
Ang Nigerian military wala pa mohatag og pahayag kung tinuod ba ni nga report. Si al-Minuki giingon nga nagdumala sa mga ISIS-related nga grupo sa Africa, ilabi na sa West Africa ug Sahel area sama sa Niger, Chad, ug Mali.
Giingon usab nga ang operasyon nagpakita sa mas lig-on nga pagtinabangay sa Amerika ug Nigeria sa pakigbatok sa mga teroristang grupo.
Sa miaging mga tuig, daghan na usab og atake batok sa ISIS, lakip ang mga airstrike ug operasyon human sa mga nahitabong pag-atake sa nasud sa Nigeria nga nikalas ug daghang kinabuhi sa mga sibilyan.
Photo Courtesy: AFP
