Gimando ni PNP Chief PGen. Jose Melencio Nartatez Jr. ang independent investigation, kabahin sa alegasyong adunay mga lokal nga pulis nga mi-escort sa usa ka itom nga van, nga giingong gisakyan ni Senador Ronald dela Rosa paggawas sa Senate compound niadtong Mayo 14, 2026.
Sumala sa PNP, gimandoan na ang mga imbestigador sa pagsusi sa tanang posibleng ebidensya lakip ang logbook entries, CCTV footage, radio dispatches, deployment logs, ug body camera footage, aron matino kung adunay dili awtorisadong pagtabang gikan sa kapulisan.
Gitinguha sa maong imbestigasyon, nga maberipika kung adunay nalapas nga mga polisiya ug kung adunay personnel nga migamit sa gahum o kagamitan sa kapulisan nga walay insaktong pagtugot.
Sa karon, wala pa’y opisyal nga resulta nga gipagawas ang PNP, samtang padayon ang lawom nga imbestigasyon sa maong insidente.
Photo Courtesy: Malaya Business Insight
