Nagpakita og lig-on nga performance ang Philippine Stock Exchange (PSE) sa unang tulo ka bulan sa tuig 2026, human misaka og halos 50 porsyento ang ilang kita kung itandi sa samang panahon niaging tuig.
Matod pa sa PSE, ang pag-usbaw sa kita, resulta sa kusog nga trading activity sa lokal nga stock market, diin daghang investors ang mipadayon sa pagpamuhunan ug pagbaligya sa mga shares sa nagkalainlaing kompanya.
Nakadugang usab sa kalihokan sa merkado ang pagsaka sa interes sa mga investors sa banking, property, ug technology sector.
Gbutyag sa mga economic analysts nga positibo kini nga timailhan alang sa ekonomiya sa nasud tungod kay nagpadayon ang pagsalig sa mga investors sa mercado, bisan pa sa mga hagit nga giatubang sa global economy.
Gilauman usab nga magpadayon ang maayong performance sa stock market sa mosunod nga mga bulan kung magpabiling lig-on ang negosyo ug pamuhunan sa nasud.
Photo Courtesy: Manila Bulletin
