Mipadayag ang aktres nga si Kaye Abad nga cancer-free na siya human sa iyang pakigbisog batok sa breast cancer nga nadiskubre niadtong 2025.
Sa iyang vlog nga gipagawas niadtong Mayo 17 isip kabahin sa iyang 44TH birthday celebration, gibutyag ni Kaye ang emosyonal nga panaw sa iyang pagtambal ug ang higayon nga giingnan siya sa doktor nga usa na siya ka cancer survivor.
Gipaambit usab sa aktres ang mga hagit nga iyang nasinati sulod sa usa ka tuig lakip ang kahadlok, stress, brain fog ug istriktong pag-atiman sa panglawas samtang nagpadayon sa pagtambal.
Matod ni Kaye, dako ang papel sa pagtuo, paglaum ug suporta sa iyang pamilya, ilabina sa iyang bana nga si Paul Jake Castillo, aron malak-aban ang maong pagsulay.
Photo courtesy: Daily tribune
