Nasakmit ang kapin sa Php500,000.00 nga kantidad sa illegal nga drugang shabu gikan sa usa ka High Value Target sa gikasa nga drug buy bust operation sa mga otoridad sa Brgy. Galas, Dipolog City niadtong Mayo 15 ning tuiga. Ang suspek 45-anyos lalaki, dunay kaipon ug residente sa Igot, Brgy. Estaka, Dipolog City.
Narecover gikan sa suspetsado ang motimbang sa 75 gramos nga shabu nga adunay street value nga mokabat sa Php510,000.00 lakip na ang marked money.
Gilusad ang maong operasyon pinaagi sa mga personahe sa PNP Drug Enforcement Group – Special Operations Unit 9 kauban ang Dipolog City Police station, PDEA ZDN, ug uban pang mga unit.
Giturnover ang mga nasakmit nga mga ebidensya ngadto sa Provincial Forensic Unit alang sa eksaminasyon, samtang ang dinakpan balhog na sa prisuhan alang sa tukmang disposisyon.
Photo Courtesy: Dipolog CPS
