Patay na ang suspek sa 1994 Rwandan genocide nga si Felicien Kabuga, namatay siya samtang gilitis sa international court sa The Hague Netherlands. Gikumpirma kini sa United Nations International Residual Mechanism for Criminal Tribunals nga si Kabuga namatay sa usa ka ospital kaniadtong Sabado, Mayo 16, sa edad nga 90-anyos.
Si Kabuga dugay nang gikonsiderar nga usa sa pinaka gipangita nga mga pugante sa kalibutan tungod sa iyang pagpondo ug kwarta sa dugoon nga 1994 Rwandan genocide, diin gibanabana nga 800,000 ka mga tawo ang napatay gikan sa Abril hangtod Hunyo sa tuig sa maong tuig.
Si Kabuga giakusahan nga utok sa Radio-Television Libre des Mille Collines (RTLM), usa ka estasyon sa radyo nga giingong nagdasig sa etnikong Hutu sa pagpatay sa mga Tutsi gamit ang mga sundang. Dugang pa, gituohan usab nga nag-apod-apod siya og mga sundang sa mga grupo nga nalambigit sa genocide ug giingong nagmando sa pagpatay sa mga Tutsi.
Photo Courtesy: Reuters
