Gipaluhod sa Filipino mixed martial artist nga si Lito Adiwang ang grappler nga si Eko Roni Saputra sulod lamang sa 34 segundos.
Wala na gipataas pa sa Pinoy star ang iyang dula ug sa sugod pa lang, sunod-sunod na siyang nagpa-ulan og mga kombinasyon sa kumo aron tapuson ang laban sa mubo nga panahon.
Sulod lang sa pipila ka segundo, natumba si Saputra ug dali kining gisundan ni Adiwang og laing kombinasyon sa mga sumbag, lakip na ang dominanteng ground-and-pound.
Wala na makabawos pa ang Indonesian wrestling champion hangtod nga kinahanglan nang paundangon ang dula nga niabot lang og kapin sa 30 ka segundo.
Sa wala pa ang panagsangka, kinahanglan pang mosaka ni Adiwang sa 140-pound catchweight apan wala niya panumbalinga ang pag-adjust sa timbang alang sa mas taas nga dibisyon.
Bisan pa man sa daog sa Pinoy champion, dili ra maapektuhan ang rankings sa bantamweight division sa One Championship tungod kay plano gihapon niya nga mobalik sa flyweight division.
Bisan pa niana, posible kining mahimong basehan alang sa mga mosunod nga laban ni Adiwang ubos sa flyweight category. Mahimo nang i-atbang sa Pinoy MMA fighter ang mga anaa sa top-5 sa flyweight division.
Photo courtesy: ABS-CBN
