20,000 KA SAKO SA AGING STOCKS SA BUGAS, IPA-AUCTION SA NATIONAL FOOD AUTHORITY BUKIDNON

Nagpahigayon karon ang National Food Authority (NFA) ug pagproseso sa pagbaligya sa ilang mga “aging stocks” nga bugaspinaagi sa public auction o bidding. Kini nga lakang kabahin sapadayon nga pamaagi sa ahensya aron masiguro ang husto ug episyenteng pagdumala sa suplay sa bugas sa nasud, apil na salalawigan sa Bukidnon.

Sa esklusibong pakighinabi sa juander radyo Malaybalay gipadayag ni Glenn A. De Otoy tigpamaba sa NFA bukidnon adunay gibana-bana nga 20,000 ka sako sa bugas nga nahabilin sailang mga bodega nga gikonsidera na nga aging stocks.

Kini kasagaran molapas na sa tulo (3) ka bulan gikan sa pagkatago, hinungdan nga kinahanglan na kini ipagawas aron malikayan ang pagkadaot ug mapadayon ang kalidad sa imbentaryo.

Gipatin-aw sa ahensya nga dili sila direktang mopamaligya samerkado, busa pinaagi sa public auction o bidding ihatag ang oportunidad sa mga kwalipikadong bidders nga makapalit niini. Sila na dayon ang mopahigayon sa distribusyon sa bugas ngadto samerkado ug mga konsyumer. voice clips

Tumong niini nga pamaagi ang pagpagawas sa karaang stock, pagluag sa bodega, ug pagpangandam sa mas dako nga storage alang sa bag-ong buffer stock sa umaabot nga harvest season. Sa ingon, mas mapalig-on ang padayon ug lig-on nga suplay sa bugasalang sa publiko

Photo Courtesy: NFA Bukidnon