8 ANGOL, HUMAN GIDARO SA SAKYANAN ANG MGA PEDESTRIANS SA ITALY 

Gibanggaan sa usa ka lalaking nagmaneho sa sakyanan ang mga pedestrians sa amihanang syudad nga Modena sa Italy nga miresulta sa pakaangol sa 8 ka indibidwal diin 4 niini ang kritikal.

Lakip sa mga naangol ang usa ka babaye nga kinahanglang putlon pa ang duha ka tiil niini tungod sa injuries. Human mibangga ang sakyanan sa usa ka shop og mihunong, migawas usab ang drayber niini nga dunay bitbit nga kutsilyo apan napug-ngan siya sa usa ka lalaking samaron usab.

Ang suspetsado nga 31-anyos, usa ka Italian National nga dunay Moroccan nga gigikanan nailang si Salim El Koudri. Gihulagway ni Italy’s Prime Minister Giorgia Meloni ang insidente isip hilabihan ka seryoso.

Gikansela ni Meloni, ang iyang planong pagbisita sa Cyprus og si Italian President Sergio Mattarella mobisita usab sa mga na-angol nga indibidwal.

Sa news conference, gikumpirma sa prefect of Modena Fabrizia Triolo nga ang suspek gi-refer sa mental health centre niadtong 2022 tungod sa”schizoid disorders” apan kalit kining nahanaw nga walay gibiling timailhan

Photo Courtesy: Associated Press