Gilunsad ang Convergence of Oplan Balik Eskwela (OBE) Inter-Agency Task Force (IATF)sa ComVal Restaurant, National Highway, Nabunturan, Davao de Oro niadtong Mayo 14, 2026.
Ang maong kalihukan nagtumong sa pagpangandam alang sa umaabot nga pag-abli sa klase sa probinsya ug gitambongan sa nagkadaiyang ahensya sa gobyerno.
Atol sa maong aktibidad, nainterbyu sa Juander Radyo Nabunturan News Team si Phoebe Gay L. Refamonte, CESO VI, School Division Superintendent sa Davao de Oro. Sumala kaniya, dako ang iyang pagpasalamat sa mga stakeholder, mga estudyante, ug mga ginikanan nga padayon nga nagasuporta sa Department of Education (DepEd).-
Nag-awhag usab si Refamonte sa dugang nga kooperasyon sa tanang sektor alang sa hapsay nga pag-abli sa klase. Gipasiugda niya nga importante ang pagtinabangay, ilabina sa mga magtutudlo, aron mahatagan ang mga estudyante og dekalidad nga edukasyon.
