Mikatap online ang usa ka makapakurat nga krimen gikan sa North Sumatra, Indonesia, diin usa ka 45-anyos nga lalaki ang giingong miangkon sa pagpatay sa iyang silingan tungod sa dugay nang pagpangdaot ug pagpakaulaw kaniya.
Base sa report sa pulisya, giila ang suspek nga si Parlindungan Siregar samtang ang biktima mao si Asgim Irianto, 60-anyos. Giingon nga gigamit sa suspek ang usa ka kahoy nga sungkod sa pag-atake human kini matod pa napul-an sa sige’g panaway bahin sa iyang pagka-single o wala pa maminyo.
Nasayran usab sa mga awtoridad nga adunay dugay nang panagbangi ang duha ka silingan, apil na ang ilang mga lalis may kalabutan sa mga manok nga masigeg sulod sa tagsa-tagsa nilang kulungan.
Samtang, misikad usab ang diskusyon sa social media kabahin sa epekto sa bullying ug pagpakaulaw, ilabina kon padayon nga ginabuhat ngadto sa usa ka tawo nga mahimong mosangpot sa kapintas ug trahedya.
Photo Courtesy:istock
