Nadakpan ang usa ka 42-anyos nga mekaniko human gikasa ang joint buy-bust operation batok sa ilegal nga droga sa Purok 8, Barangay San Miguel, Tagum City alas 9:32 sa gabii niadtong Mayo 14, 2026.
Giila sa kapulisan ang suspetsado nga si alyas “Emboy,” residente sa Barangay Osmeña, Compostela, Davao de Oro.
Nasakmit gikan sa dinakpan ang tulo ka heat-sealed transparent sachet nga adunay puti nga kristalin nga substansiya nga gituohang shabu. Apil usab sa narekober ang usa ka ₱500 nga marked money, pito ka peke nga ₱1,000 bill nga gigamit isip boodle money, usa ka oakley sunglass case, usa ka belt bag, ug itom nga Skygo scrambler-type motorcycle nga adunay nadokit nga plaka.
Base sa imbestigasyon, ang nakuhang ilegal nga droga adunay gibana-banang gibug-aton nga lima ka gramo ug standard drug price nga mokabat sa ₱34,000.
Sa pagkakaron, anaa na sa kustodiya sa kapulisan ang dinakpan samtang giandam ang kaso batok kaniya tungod sa paglapas sa Republic Act 9165 o ang Comprehensive Dangerous Drugs Act of 2002.
Photo Courtesy : istock
