Padayon nga gipakusog sa Department of Agriculture – Caraga ang kampanya sa Good Agricultural Practices o GAP pinaagi sa Information Caravan nga gipahigayon sa Lanuza ug Cantilan niadtong Mayo 13 ug 14, 2026.
Tumong sa maong kalihokan nga mahatagan og dugang kahibalo ang mga mag-uuma bahin sa husto, luwas, ug maayong pamaagi sa pagpanguma aron mas mapalambo ang kalidad sa ilang mga produkto.
Matod ni Benito Badiang, usa ka mag-uuma gikan sa Lanuza, importante kaayo nga masayran sa mga mag-uuma ang bahin sa GAP tungod kay sila ang nagasuplay sa pagkaon sa katawhan.
Nagpasalamat usab si Algerico Irizari sa Department of Agriculture-Caraga tungod sa pagdala sa mahinungdanong impormasyon ug programa ngadto mismo sa ilang lungsod aron mas daghang mag-uuma ang makabenepisyo.
Ang PhilGAP usa ka sistema sa sertipikasyon nga gihimo sa Department of Agriculture aron masiguro nga ang mga tanom nga giprodyus luwas kan-on, adunay maayong kalidad, ug gihimo pinaagi sa malungtarong pamaagi sa pagpanguma.
Photo courtesy: DA-CARAGA
