Naghatag og tambag si Kim Atienza ilabina sa Gen Z, kon unsaon paglikay sa burnout ug pagpabiling motivated sa adlaw-adlaw nga kinabuhi.
Sa programa nga Dami Mong Alam, Kuya Kim! giingon ni Kuya Kim nga importante ang balanse tali sa trabaho, pag-eskwela, pagpahuway ug kalingawan aron malikayan ang kakapoy ug stress.
Matod niya, usa usab sa hinungdan sa kakulang sa motibasyon mao ang pagkawala sa inspirasyon. Gidasig niya ang kabatan-onan nga pangitaon ang ilang passion ug mga butang nga makahatag kanila og kalipay aron mas mamotivate sa ilang ginabuhat.
Naghatag usab siya og tambag batok sa sobrang paggamit sa cellphone ug doom-scrolling sa social media. Sumala kaniya, dili lang cellphone ang makahatag og “dopamine” o feel-good hormones kay mahimo usab kini makuha pinaagi sa sports ug ubang aktibong kalihokan.
Photo courtesy: Kuya Kim Atienza/ Facebook
