Nasikop sa buy-bust operation sa Kidapawan City Police Station Drug Enforcement Unit, ang usa ka high value individual nga giingong nalambigit sa pagbaligya og ilegal nga droga sa Purok M6F Mangosteen, Barangay Lanao, Kidapawan City, niadtong milabayng adlaw. Giila ang suspek sa alyas nga Bidok, anaa sa hustong edad.
Narekober gikan sa suspek ang usa ka sachet sa gituohang shabu nga gibaligya ngadto sa poseur buyer, buy-bust money nga P1,000.00, pito pa ka sachet sa gituohang shabu ug usa ka tooter.
Matod ni PLTCOL Argie Celeste, ang hepe sa Kidapawan City Police Station, nga padayon nilang pakusgon ang kampanya batok sa ilegal nga droga aron mapanalipdan ang komunidad ug mapatuman ang balaod.
Photo Courtesy: Kidapawan City Police Station
