Gisentensiyahan og life imprisonment ang usa ka amerikanang babaye nga nailhan isip children’s book author, human mapamatud-ang siya ang responsable sa pagpatay sa iyang bana.
Si Kouri Richins, 36-anyos napamatud-ang sad-an sa kasong murder niadtong Marso. Sumala sa korte, giingon ni Judge Richard Mrazik nga siya “too dangerous to ever be free,” sumala sa US media reports.
Base sa kaso, giingon sa mga prosecutors nga gipainom ni Richins ang iyang bana nga si Eric Richins og cocktail nga adunay fentanyl, usa ka kusog nga synthetic opioid nga nakalapas sa makamatay nga dose. Tungod niini, namatay ang iyang bana kaniadtong 2022, ug nakakuha siya og milyon-milyong dolyar gikan sa insurance ug inheritance.
Giingon usab sa prosekusyon nga pila ka semana sa wala pa ang insidente, misulay na siya og laing paagi sa pagpoison sa iyang bana, nga miresulta pagkalipong sa biktima.
Sa wala pa gisentensiyahan, giingon ni Richins nga ang iyang children’s book nga “Are You With Me?” gisulat human sa kamatayon sa iyang bana aron matabangan ang ilang tulo ka anak sa pag-atubang sa kasubo. Apan giingon sa mga anak sa korte nga dili sila luwas kung makagawas pa siya ug nga nakasinati sila og kahadlok ug kalisod sa ilang pagpuyo kaniadto.
Photo Courtesy: NBC news
