Miubos ang pagsalig sa Senado human sa bag-ong kausaban sa liderato, samtang nagpabilin nga stable ang pagtamod sa Kamara de Representantes human niini mipadayon sa impeachment batok kang Vice President Sara Duterte, sumala sa nationwide survey sa Tangere.
Ang noncommissioned survey nga gihimo gikan Mayo 12 hangtod 13 nga adunay 1,200 ka respondents sa tibuok nasod nagpakita nga ang satisfaction rating sa Senado miubos ngadto sa 29 porsyento gikan sa 44 porsyento sa parehas nga panahon niadtong 2025. Ang dissatisfaction misaka ngadto sa 51 porsyento.
Ang trust rating sa Senado miubos usab ngadto sa 27 porsyento, samtang 52 porsyento sa mga respondents miingon nga wala sila’y pagsalig sa maong institusyon. Dako nga mayoriya, o 83 porsyento, ang nagtuo nga ang recent leadership change sa Senado politikal ang motibo, samtang 37 porsyento lang ang miuyon niini.
Sa laing bahin, nagpabilin ang Kamara de Representantes sa 51 porsyento nga satisfaction rating ug 52 porsyento nga trust rating. Ang dissatisfaction miubos ngadto sa 29 porsyento, samtang ang distrust miubos ngadto sa 30 porsyento.
Ang survey gihimo sa panahon nga ang Kamara mipadayon sa ikaduhang impeachment complaint batok kang Vice President Sara Duterte. Sumala sa resulta, 52 porsyento ang miuyon sa impeachment, samtang 37 porsyento ang supak niini. Ang suporta mas kusog sa Luzon ug Visayas, samtang ang Mindanao mas daghan ang supak.
Photo Courtesy: MANILA TIMES
