Sulayan sa University of the Philippines (UP) ang ilang kusog batok sa mga labing maayong collegiate clubs sa rehiyon samtang morepresentar kini sa nasod sa 2026 Asian University Basketball League (AUBL) didto sa China karong Agosto.
Ang Fighting Maroons usa sa dose (12) ka mga team nga magtigi sa ikaduhang edisyon sa torneyo, nga ipahigayon gikan sa Agosto 2 hangtod 9 sa Binjiang Gymnasium sa Hangzhou, China.
Niining edisyon sa 2026, makita ang unom ka mga niaging teams ug unom ka mga bag-ong nawong, lakip na ang UP, nga nahimong runner-up sa UAAP Season 88 men’s basketball human mapukan sa De La Salle University sa finals.
Nanguna sa kompetisyon ang defending champion nga National Chengchi University sa Chinese Taipei, ang runner-up sa miaging tuig nga Tsinghua University sa China, Hakuoh University sa Japan, Yonsei University sa Korea, Chinese University sa Hong Kong, ug Peking University.
Samtang, ang UP, Korea University, National University of Mongolia, Shanghai Jiao Tong University, University of Sydney, ug Waseda University ang mga bag-ong mo-debut sa torneyo.
“Ang 2026 AUBL tournament naghiusa sa pipila sa mga labing establisadong university basketball programs sa tibuok Asia, lakip na ang mga kulbahinam nga first-time participants gikan sa Pilipinas ug Australia,” matod ni AUBL senior vice president Greg Stolt.
Photo courtesy: GMA News
