Bukas nga naghisgot si Lara Quigaman sa iyang pagdawat sa natural nga pagkaputi sa iyang buhok ug pagbiya sa “perfection” pinaagi sa usa ka emosyonal nga post sa Instagram.
Matod sa 43-anyos nga beauty queen, gikapoy na siyang pirming magpakolor sa buhok aron matabonan ang iyang puti nga buhok nga nasunod nila gikan sa ilang amahan. Una niyang namatikdan ang puti nga buhok sa edad nga 12-anyos pa lamang ug sukad sa early 30s, halos kada duha ka semana na siyang nagpakolor.
Giingon ni Lara nga panahon na aron dawaton niya ang natural nga kausaban sa iyang panagway ug “God-given white hair.” Bisan pa man adunay mga higayon nga gusto niya kini tabonan pag-usab, nangayo siya og suporta gikan sa publiko aron lig-on siyang makapadayon sa iyang desisyon.
Daghang celebrities sama nila Camille Prats, Dimples Romana ug Karen Ibasco ang mipadayag og suporta ug inspirasyon alang kaniya.
Photo Courtesy: Publiko
