Nagpaabot og simpatiya ang Memphis Grizzlies sa kalit nga kamatayon sa forward nga si Brandon Clarke. Sa usa ka mensahe nga gipagawas sa NBA team, gipahayag ang ilang kakurat sa pagkamatay sa 29-anyos nga forward, uban sa ilang pag simpatiya sa nagbangotan nga pamilya.
Gitawag sa Memphis ang beteranong forward isip usa ka buotan nga kauban sa team ug ang iyang kontribusyon sa Grizzlies ug sa tibuok komunidad sa Memphis dili gayud malimtan.
Si NBA Commissioner Adam Silver miingon nga ang tibuok liga nasubo sa pagkamatay ni Clarke. Gitawag niya ang namatay nga forward isip usa ka ‘paborito’ nga kauban sa team ug lider nga adunay walay paglubad nga gugma sa basketball.
Si Clarke napili nga ika-21 sa kinatibuk-an sa Oklahoma City Thunder niadtong 2019 apan gi-trade dayon sa Memphis sa draft night.
Gigugol niya ang iyang tibuok karera sa NBA uban sa bugtong team, ang Memphis. Sa iyang unang season sa liga, ginganlan siya sa NBA All-Rookie First Team, nga adunay average nga 12.1 puntos ug 5.9 rebounds matag duwa. Wala pa gipagawas sa NBA ang hinungdan sa kamatayon sa beteranong forward.
Photo Courtesy: Just Jared
