Gipanghimakak sa Malacañang niadtong Huwebes ang “baseless and substantiated” nga estorya ni Bise Presidente Sara Duterte bahin sa giingong mga paningkamot sa pagpalugway sa unom ka tuig nga termino ni Presidente Ferdinand R. Marcos Jr. pinaagi sa Charter change. Matod pa ni Claire Castro ang Undersecretary of the Presidential Communications Office, Mas makaulaw ang komento ni VP Sara Duterte kay kini walay mga basehan og mugna-mugna lang ug walay igo nga rason aron dili magpahigayon og election. Kini ang pahayag ni Palace Press Officer Claire Castro sa usa ka pamahayag.
Si Castro nihimo sa pamahayag isip tubag sa mga alegasyon ni Duterte nga ang pinakaulahing politikanhong kalamboan kabahin sa padayong paningkamot nga usbon ang istruktura sa gobyerno aron makapabilin si Marcos sa gahom lapas sa iyang termino. Giangkon ni Duterte nga ang plano sa pag-impeach kaniya, ang pagpatuman sa mga warrant of arrest sa International Criminal Court batok sa iyang mga kaalyado, ug ang nagkagrabeng tensyon sa politika maoy mga lakang aron paluyahon ang oposisyon.
Giakusahan usab niya ang administrasyong Marcos sa paggamit sa mga kahinguhaan sa gobyerno aron magmalampuson sa trabaho sa demolisyon, dugang pa ni VP Sara nga sa ulahi iduso niini ang mga pagbag-o sa konstitusyon aron mapalugway ang gahum sa politika sa Presidente. Matod niya nga gihisgotan pa ni Marcos sa iyang bag-o nga pakighinabi sa Bloomberg ang iyang plano nga hisgutan ang pagbag-o sa Charter, ug gidugang nga kini usa ka timailhan nga ang Chief Executive o Prisedente dili mo naog sa katungdanan.
Gitawag kini ni Castro nga sayop ang impormasyon ug disinformation ni Duterte. Ang kinahanglan nato usa ka public servant nga nagseserbisyo sa nasod ug katawhan ug dili ang nahibal-an lang ang paghimo og intriga ug fake news matod pa ni Castro.
Photo Courtesy: PNE
