Sikop ang usa ka lalaki kinsa wanted sa kasong qualified theft pinaagi sa gilusad nga law enforcement operarion sa kapulisan sa Brgy. Antipolo, Dapitan City, Zamboanga del Norte niadtong milabayng adlaw.
Giila ang dinakpan nga si Jerald, 27-anyos, ulitawo ug residente sa maong dapit. Gisikop ang akusado pinasikad sa warrant of arrest sa nasangpit nga kaso nga gipagula sa MTCC, 9th Judicial Region, Dapitan City, Zamboanga del Norte pinetsahan ug Mayo 11, 2026. Mokabat sa Php24,000.00 ang girekomendar nga pyansa sa korte alang na sa akusado.
Human nadakpan, gidala ang akusado ngadto sa kustudiya sa Dapitan City Police Station alang sa tukmang disposisyon.
Photo Courtesy: Dapitan CPS
