Nakalikom ang Bureau of Internal Revenue (BIR) og P422.378 bilyon niadtong Abril 2026, diin nilapas kini sa target nga P12.776 bilyon o 3.12%. Misaka usab ang kita sa ahensya og P551.11 milyon kon itandi sa susamang bulan sa miaging tuig.
Nagpadayon ang lig-on nga performance sa koleksyon bisan pa man sa pagbalhin sa deadline sa Annual Income Tax Return (AITR) aron mahatagan og mas taas nga panahon ang mga taxpayer.
Sumala ni BIR Commissioner Charlito Martin R. Mendoza, resulta kini sa mas gipahugtan nga kampanya ug sa mas taas nga kumpyansa sa mga magbubuhis.
Gikan sa Enero hangtod Abril 2026, miabot na sa P1.155 trilyon ang kinatibuk-ang koleksyon, mas taas og P39.972 bilyon kaysa sa samang panahon niadtong 2025.
Nagtuo ang BIR nga anaa sila sa saktong dalan aron makab-ot ang tinuig nga revenue goal ug gilauman nga magpabiling positibo ang koleksyon karong bulan sa Mayo.
Photo courtesy: Inquirer
