Nasikop sa mga kapulisan ang duha ka lalaki atol sa gipatumang joint law enforcement operation sayo sa buntag niadtong Mayo 12, 2026 sa Baganga, Davao Oriental.
Ang mga suspek nagpangidaron ug 42 ug 33-anyos nga pulos mga drayber, kun diin sila nakuhaan ug gibana-banang ₱6 milyon nga kantidad sa mga gituohang smuggled nga sigarilyo.
Base sa report, napara sa mga otoridad ang duha tungod sa ilang delivery vehicles nga puno sa assorted master cases sa iligal nga sigarilyo. Samtang nahimong mabungahon ang maong operasyon tungod sa padayon nga surveillance operation sa mga kapulisan uban sa pakigtambayayong sa Regional Special Operations Group 11, Baganga Municipal Police Station, ug uban pang law enforcement units.
Sa karon ang mga dinakpan uban sa mga nakumpiskang kontrabando anaa na sa kustodiya sa kapulisan alang sa tukmang disposisyon.
Photo Courtesy: Baganga MPS
