Nakaangkon ug samad bun-og sa lawas ang usa ka buntis ug duha ka kaubanan niini human sa nahitabong disgrasya sa Rontonda nga bahin sa Barangay Dahican, Mati City, Davao Oriental pasado alas 5:00 sa buntag karung adlawa, Mayo 14, 2026.
Base sa taho, sakay sa usa ka motorsiklo ang mga biktima nga nasayrang gikan sa Tarragona ug padulong unta sa balay tambalanan, apan sa wala damha kalit nga nagbangga ang motorsiklo ug ang usa ka Pick Up nga sakyanan. Dugang pa niini, padulong unta mopalit sa convenience ang mga biktima apan mi u-turn ang sakyanan hinungdan sa pagkabangga.
Dali usab nga miresponde ang mga residente uban sa mga otoridad aron sa pagtabang sa mga nasamdan ug daling gidala sa pinakduol nga balay tambalanan.
Sa karon padayon pa ang imbestigasyon sa mga otoridad kabahin sa maong insidente.
Photo Courtesy: Leodyl Ajos
