Gibutyag ni Senador Imee Marcos nga usa ka giingong confidential agent sa National Bureau of Investigation o NBI ang nadakpan human sa nahitabong pagpabuto sulod sa Senado.
Sumala sa senadora, nadakpan ang maong indibidwal samtang gisulayan pagkuha ang usa ka tactical bag nga nabilin sa hagdanan sa ikaduhang andana sa Senado.
Giingon ni Marcos nga giangkon sa maong personahe nga siya sakop sa NBI ug gimandoan matod pa sa iyang superior nga si “Atty. Bomediano” sa NBI-OTCD aron arestuhon si Senador Ronald “Bato” dela Rosa base sa giingong warrant gikan sa International Criminal Court o ICC.
Apan, hugot usab nga gihimakak ni NBI Director Melvin Matibag nga adunay gipadala nga mga operatiba ang NBI ngadto sa Senado alang sa maong operasyon ug gikumpirma kini sa persidente.
Padayon pa sa pagkakaron ang imbestigasyon sa insidente aron mahibaluan ang tinuod nga nahitabo.
Photo Courtesy: Philippine News Agency
