Gipasabot sa International Criminal Court o ICC nga nakadepende sa kooperasyon sa gobyerno sa Pilipinas ang pagpatuman sa mga arrest warrant ug pagsurender sa mga suspek ngadto sa tribunal.
Kini gisunod sa kumpirmasyon ni Oriane Maillet nga adunay warrant of arrest batok kang Ronald dela Rosa, kinsa giingong “co-perpetrator” ni kanhi Presidente Rodrigo Duterte sa kasong crimes against humanity nga may kalabutan sa kontrobersyal nga “war on drugs.”
Gibuhat sa opisyal sa ICC ang maong pahayag human sa kapakyasan sa mga ahente sa National Bureau of Investigation o NBI sa pagdakop kang Dela Rosa sulod mismo sa Senado niadtong Lunes, Mayo 11, 2026.
Matod ni Maillet, tungod kay ang ICC usa ka institusyong panghukmanan nga nagsalig sa kooperasyon sa mga nasod, anaa sa kamot sa mga national authorities ang pagdakop ug turnover sa suspek ngadto sa tribunal.
Photo Courtesy: Trial International
