Arestado ang usa ka lalaki sa gipahigayong Drug Buy-bust operation sa mga personahe sa Ipil Municipal Police Station sa Barangay Pangi, Ipil, Zamboanga Sibugay niadtong nakalabay nga adlaw.
Naila ang dinakpang SLI, residente sa Ipil sa nasampit nga probinsya kung asa nakuha sa iyang posisyon ang 6 ka pakete sa gituohang shabu nga motimbang sa 1 ka gramo gibanabanang nagkantidad sa Php6,800.00.
Atol sa operasyon migamit ang mga operatiba og alternative recording device para sa dokumentasyon nga anaa ang presensya sa Barangay Official ug Media representative para sa pagsaksi sa maong imbentaryo.
Pagkahuman sa maong proseso,gidala ang dinakpan sa Ipil MPS alang sa hustong disposasyon samtang ang nakumpiskang butang giturn-over sa Zamboanga Sibugay Forensic Unit alang sa eksaminasyon.
