Gilusad sa DENR-12 ang “AKSYON Ganap Innovation 2026” niadtong Mayo 11 sa Koronadal City aron pakusgan ang real-time reporting ug mas paspas nga pagtubag sa mga isyu sa kinaiyahan sa tibuok rehiyon. Ubos sa kamanduan sa DENR Undersecretary for Field Operations, kini nga inisyatiba magsilbing lig-on nga basehan sa komunikasyon ug operasyon alang sa dinalian nga aksyon ug epektibong paghimo og desisyon base sa mga konkretong datos.
Tumong usab niini nga mas pahugtan ang kolaborasyon tali sa DENR ug mga lokal nga kagamhanan (LGU) aron matubag ang mga problema sa climate change, deforestation, basura, ug polusyon sa tubig pinaagi sa tinabangay nga responsibilidad. Ang paglunsad dinaluhan sa mga kadagkoan sa DENR-12, PENRO, CENRO, EMB, ug MGB, diin gi-detalye ang sistema sa database ug ang mga tahas sa matag opisina aron masiguro ang transparent ug responsive nga pagdumala sa kinaiyahan.
Photo Courtesy: DENR Soccksargen
