Padayon karon nga gipangita sa mga otoridad ang drayber sa usa ka van nga nakaligis sa usa ka babaye nga giilang si alyas “Luningning” 56-anyos ug residente sa Brgy. San Joaquin, Palo, Leyte didto sa national highway sa Brgy. San Joaquin, Palo, pasado alas 7 ang takna sa gabie kagahapong adlawa.
Base sa inisyal nga imbestigasyon sa mga otoridad, ang maong van nagbiyahe gikan sa Tanauan, Leyte padong sa sentro sa Palo, Leyte diin pag-abot sa lugar sa insidente, aksidenteng naligsan sa sakyanan ang pedestrian o biktima nga nitabok sa dalan nga hinungdan sa iyang hinanaling kamatayon.
Sa pagka-karon, nagpadayon pa ang imbestigasyon sa Palo Municipal Police Station, lakip na ang pagrepaso sa available nga CCTV footage aron mailhan ang posibleng mga testigo ug matultolan ang sakyanan ug pagkataw sa drayber niini.
