Gilaumang masublian na usab og pagsaka ang presyo sa mga produktong petrolyo sa nasud sa umaabot nga Martes, diin ang diesel ang gilaumang makasinati og dakong umento.
Base sa dagan sa Mean of Platts Singapore (MOPS) trading ug foreign exchange averages sa unang upat ka adlaw niining semanaha, ania ang gibanabanang pagsaka sa presyo sa Diesel mosaka og ₱2.00 hangtod ₱2.50 matag litro og sa Gasolina nga ₱0.75 hangtod ₱1.25 matag litro
Sumala sa mga tinubdan gikan sa industriya sa lana, ang nagpadayong tensyon sa Middle East maoy nag-unang rason sa pagmahal sa krudo sa merkado sa kalibutan. Tungod sa re-escalation sa geopolitical risks sa maong rehiyon, mibalik ang “upside pressure” sa presyo sa diesel.
Samtang sa bahin sa gasolina, gawas sa nagkagamay nga global inventories, nakaapekto usab ang pagkunhod sa output sa mga refinery sa Asia. Napugos ang mga refinery sa pagproseso og “lighter grades” nga crude oil—nga dili optimized sa ilang pasilidad—tungod sa kakuwang sa supply sa feedstock gikan sa Middle East.
Gilauman nga ang pormal nga anunsyo sa price adjustment pagahiboon sa adlawng Lunes ug hingpit nga ipatuman sa mga kompanya sa lana sa Martes, Mayo 19, 2026.
Giawhag ang mga motorista sa pagpatubil og sayo sa dili pa ang gikatakdang implementasyon sa maong umento.
Photo Courtesy: Balita
