Patay ang usa ka 55-anyos nga mananagat nga nadiskubrehan nga gituohang nalumos sa may kadagatang bahin sa Purok Mapailubon 2, Sitio Liangan, Barangay Kabatan, Vincenzo Sagun, Zamboanga del Sur, mga alas 3:22 sa hapon Mayo 14, 2026.
Basi sa imbestigasyon sa mga personahe sa Vincenzo Sagun Municipal Police Station ang biktima nakainom na niadtong tungura ug nananghid nga maligo sa dagat apan aksidente kining nalumos sa gikaliguan.
Gisulayan pa ug pailawom sa cardiopulmonary resuscitation (CPR) sa mga personahe sa Philippine Coast Guard ang lawas sa biktima ug wala madugay gidala sa mga RHU personnel sa Municipal Rural Health Unit aron kini isalbar apan taliwala sa ilang paningkamot nakabsan gihapon kini sa hinulamang kinabuhi.
Sa karon ang patay’ng lawas sa biktima anaa na gipahiluna sa ilang pinuy-anan aron usab kini mahatud na sa katapusang pahulayanan sa umaabot nga mga adlaw.
