Dakpan ang usa ka indibidwal nga dunay kasong Frustrated Homicide pinaagi sa gilunsad nga intelligence-driven law enforcement operation sa Purok 5, Brgy. Mauswagon, Godod, Zamboanga del Norte niadtong milabayng adlaw.
Giila ang dinakpan nga si alyas Alex, 59-anyos, mag-uuma ug residente sa nasangpit nga barangay.
Gisikop ang akusado pinasikad sa warrant of arrest sa maong kaso nga gipagula ni Oscar Tomarong, Presiding Judge of the Regional Trial Court, 9th Judicial Region, Liloy, Zamboanga del Norte pinetsahan ug Enero 15, 2015 nga dunay pyansa nga girekomendar nga mokabat sa Php200,000.00.
Gilusad sa mga personahe sa Tracker Team sa Godod Municipal Police Station ang maong operasyon hinungdan sa malampusong pagkasikop sa akusado.
Sa kasamtangan nakakustudiya na sa Godod MPS ang suspetsado alang sa tukmang disposisyon.
Photo Courtesy: Godod MPS
