Wala na kaikyas pa sa mga otoridad ang usa ka lalaki human nadakpan atol sa gikasang buy- bust operation didto sa Purok Waling-Waling, Brgy. Kinablangan, Baganga, Davao Oriental niadtong nakalabay nga adlaw.
Ang operasyon gihimo sa mga personahe sa Baganga Municipal Police Station, kauban ang mga sakop sa DOPPO-PIU, 1st DOPMFC ug lain pang mga operatiba nga nagresulta sa pagkasikop sa usa ka mag-uuma nga residente ra sa nahisgutang lugar.
Nakuha gikan sa suspetsado ang gibana banaang 3.5 gramos nga gibug-aton sa gidudahang shabu ug adunay Standard Drug Price nga ₱23,800.00.
Kasong paglapas sa Sections 5 ug 11 sa Republic Act 9165 (Comprehensive Dangerous Drugs Act of 2002) ang atubangon sa dinakpan ug gikustodiya na sa Baganga Municipal Police Station alang sa tukmang disposisyon.
