Magsugod na ugmang adlawa Marso 19 ang labing unang Legends Cup sa 32 Ballers Basketball Club nga ipahigayon sa St. Jude Acres Gym, Barangay Bulacao dakbayan sa Sugbo.
Giorganisa ni Ryan Rizzari uban sa tabang nila Jamz Mosquera ug Rex Suacillo. Gilauman nga maabot sa 12 ka grupo ang musalmot sa 35-above invitational tournament.
Lakip sa mga team ang BSN, SBA, D’Generals, Greenweb, San Vicente, Barakos, St. Jude Vintage, The Selection Team, 32 Ballers Titos, 32 Ballers Classics, Balbacs, ug Villa Bulsita.
Moduwa sa single round robin format ang mga teams nga gibahin sa duha ka grupo. Ang top seed sa matag bracket direktang mosulod sa semifinals.
Gilauman nga makadani og daghang manan-away ang maong tournament ug maghatag og aksiyon alang sa mga beteranong magdudula sa syudad.
