Minyo na karon ang Kapuso actor nga si Mikoy Morales sa iyang non-showbiz partner nga si Isa Garcia human gipahigayon ang ilang kasal niadtong Marso 14 sa Makati City. Gitambongan ang seremonyas sa ilang pamilya ug suod nga higala, diin si Mikee Quintos maoy nagsilbing Best Woman.
Mitambong usab sa maong okasyon ang ubang Kapuso stars sama nila ni Chariz Solomon, Juancho Triviño, Paolo Contis, Jeric Gonzales ug Jake Vargas uban sa iyang uyab nga si Inah De Belen. Didto usab ang komedyante nga si John Feir, kauban ni Mikoy sa Pepito Manaloto.
Nagsugod ang relasyon sa magtiayon niadtong 2021 ug nakahukom sila nga magpakasal human makapundar og balay.
Sa usa ka post sa social media, gipadayag ni Mikoy ang iyang lawom nga gugma kang Isa ug giingong naay dakong rason ang iyang kinabuhi tungod sa iyang hinigugma.
Photo Courtesy: Mikoy Morales
