Opisyal nang giangkon sa aktor ug TV host nga si Edu Manzano ug sa tech CEO nga si Ann Cuisia ang ilang relasyon. Gipadayag kini pinaagi sa post sa Peanut Gallery Media Network sa Instagram niadtong Marso 10, 2026.
Sumala sa post, gihimo sa duha ang ilang “hard launch” isip mag-uyab atol sa kasal sa negosyante ug media personality nga si Franco Mabanta.
Sa wala pa kini, una silang nakita nga magkauban sa publiko sa paghandum sa ika-40 anibersaryo sa EDSA People Power Revolution niadtong Pebrero 22. Didto, nakuha sa mga litrato si Edu nga nagkupot sa kamot ni Ann uban sa ubang personalidad sama nila Bam Aquino, Chel Diokno, Perci Cendaña ug Iza Calzado. Kini maoy unang nakapukaw sa interes sa netizens bahin sa ilang relasyon.
Photo courtesy: PEP
