arGipasiugda karon ang kamahinungdanon sa pag-amendar sa Sugar Industry Development Act (SIDA) aron masiguro ang kaayohan sa mga mag-uuma ug mapalambo pa ang industriya sa asukar sa probinsya sa Bukidnon.
Sumala ni 3rd District Representative of Bukidnon Inday Audrey Tan Zubiri atol sa interview sa Juander Radyo Malaybalay, ang Bukidnon maoy usa sa mga nag-unang prodyuser sa asukar sa tibuok Pilipinas, diin nagagikan ang halos 28% hangtod 30% sa suplay sa nasod.
Tungod kay limitado na ang kayutaan sa Negros alang sa dugang nga expansion sa sugar plantations, nakita nga ang Bukidnon adunay dako nga potensyal nga mapalapdan pa ang produksyon sa asukar. Gipasiugda usab sa mga lider sa sektor sa asukar ang pagkontrol sa importasyon.
Sumala sa kasabutan uban sa Department of Agriculture, undangon una ang pag-import og asukar hangtod sa Disyembre 2026 aron mahatagan og prioridad ang lokal nga suplay.
Nagpasabot ang maong polisiya sa prinsipyo nga “Local First,” diin unahon ang paggamit sa lokal nga asukar sa dili pa mopalit gikan sa gawas sa nasod.
Photo Courtesy: filipino Homes
