Maibot na sa 62 ka tawo ang namatay tungod sa grabe nga pag-ulan ug halapad nga pagbaha sa Kenya human sa halos usa ka semana nga nasinatiang pag-ulan kung asa miresulta sa pag-awas sa mga suba.
Gisirado ang pipila ka mga kalsada human nakahiagom og kadaot ang tulay sa Nairobi. Gipahimangnoan sab sa Interior Ministry nga makasinati pa og grabeng pag-ulan ug pagbaha sa mga musunod nga adlaw.
Tungod niini, gitambagan nila ang mga residente nga gelayong mohikling sa mga luwas nga lugar. Gipaneguro usab ni Kenya President William Ruto nga mihimo og pamaagi ang mga otoridad para mabakwit ang mga apektadong residente.
Dili lang sa Kenya ang nasinatiang pagbaha tungod kay bisan sa Ethiopia nakasinati usab og pagbaha lakip na landslides nga mipatay na sa 100 katawo.
Photo Courtesy: BBC
