Usa ka lalaking adunay problema sa pangisip ang gisunog ang iyang kaugalingon sulod sa bus sa Kerzers, Switzerland, nga misangpot sa kamatayon sa unom ka tawo. Gi-report usab nga lima ang nasamdan, tulo gidala sa ospital, duha grabe ang kondisyon.
Gipakita sa social media ang pag-ulbo sa dakong kalayo ug itom nga aso, ug gisulti sa kapulisan nga dali kaayo ang pagkatag sa kalayo. Gimando na ang post-mortem, apan wala pa ipahibalo ang mga ngalan sa mga namatay.
Kini ang ikaduhang dakong sunog nga adunay daghang biktima sa Switzerland sa miaging tulo ka bulan.
Miadto usab ang Swiss President Guy Parmelin sa lugar sa trahedya sa Kerzers aron maghatag og bulak ug personal nga pasalamat sa mga emergency responders nga nagtubag sa sunog.
Sa iyang pagbisita, giila niya ang kusog ug dedikasyon sa mga bombero, paramedics, ug uban pang personnel nga nagpaningkamot nga maluwas ang mga pasahero ug malikayan ang mas daghang kadaot.
Ang bus usa ka PostBus, importante sa mga probinsya sa Switzerland kay nagdala kini og mga pasahero, sulat, ug parcels adlaw-adlaw, labi na ang mga estudyante.
Photo Courtesy: MANILA TIMES
