Natanggal sa trabaho ang usa ka security guard human nga gikatahong makadaghang higayon nga mihangyo sa iyang kompanya nga motrabaho lamang sa balay o magwork-from-home.
Ang maong insidente nagviral dayon sa social media, kun diin wala matod pa nalipay ang kompanya sa balik-balik nga hangyo sa maong guwardiya. Gani, ang maong istorya nakahatag og lain-laing reaksyon gikan sa netizens.
Kahibaloan nga kinahanglan ug on-site nga presensya kung magduty ang usa ka security guard ug dili kini susama sa usa ka call center nga pwede ra nga motrabaho bisan nga anaa sa panimalay.
Sa kasamtangan wala pa matino ang eksaktong detalye kabahin sa insidente ug wala pa usab gipadayag ang pagkatawo sa maong security guard.
Photo Courtesy: Golden Pages Blog
