Angol ang usa ka 35-anyos nga lalaki human gidunggab sa iyang igsoon atol sa ilang panag-inom nga nahitabo sa Purok Romblon, Barangay Balangasan, Pagadian City, Marso 10, 2026.
Sa inisyal nga imbestigasyon sa kapulisan, nagtapok ang pamilya sa balay sa biktima ug nag-inom ang duha ka mag-igsoon, apan kalit lang sila naglalis nga misangpot sa mainiton nga komprontasyon nga miresulta sa pagpangdunggab sa suspetsado ngadto sa biktima.
Naka-angkon ang biktima og samad sa wala nga bahin sa tiyan ug pipila ka samad sa tuo niyang kamot og daling gidala sa nagpakabanang kabanay sa pinakaduol nga ospital.
Human sa hitabo ang suspetsado misibat paingon sa wala matinong direksyon diin karon padayon pang gipangita sa kapulisan aron papanubagon sa iyang salaod.
