Nagpahigayon ug inter-agency coordination ang mga personahe sa Baganga Municipal Police Station ug operasyon sa hugot nga pakig-koordinasyon sa Local Government Unit sa Baganga pinaagi sa Municipal Administrator, City Security Unit ug Municipal Environment and Natural Resources Office (MENRO) niadtong nakalabay nga adlaw.
Sa maong kalihokan mihatag ug seguridad ang mga kapulisan pinaagi sa police visibility, kun diin ang MENRO nagpahigayon ug inspeksyon ug pag-isyu og ticket batok sa mga nakalapas sa municipal ordinance sa waste management sa Baganga Public Market.
Lakip pa sa gi-inspeksyon sa mga kawani ang mga fruit stands ug ubang tindahan aron nga masiguro nga nagsunod kini sa mga regulasyon sa kalimpyo ug hustong pagdumala sa basura.
Tumong sa maog inisyatiba aron nga mapalig-on ang koordinasyon sa lokal nga panggamhanan ug kapulisan ingon man aron usab nga masiguro ang kalimpyo, kahapsay ug kaluwasan sa Baganga Public Market.
