Gipahibalo sa pipila ka lokal nga panggamhanan sa probinsya sa Surigao del Norte ang suspension sa trabaho ug klase sugod niadtong Marso 9, tungod sa padayon nga kusog nga ulan nga dala sa Low Pressure Area (LPA), nasinatian sa Surigao del Norte ug Dinagat Islands.
Sumala sa mga opisyal, ang maong desisyon gihimo aron masiguro ang kaluwasan sa mga residente, estudyante ug empleyado, ilabi na sa mga lugar nga apektado sa pagbaha ug posibleng landslide.
Apil sa mga gisuspenso ang klase sa tanang lebel sa pipila ka lungsod, sa Taganaan, San Francisco Anao-aon, Mainit, sa Bacuag, Sa Placer, Surigao del Norte.
Lakip na usab ang Provincial Government sa Dinagat Island ang nagpagawas sa suspendido ang trabaho sa kapitolyo.
samtang ang ubang lokal nga opisina sa gobyerno nagpatuman usab og work suspension, gawas sa mga ahensya nga naghatag og serbisyong pang-emergency ug disaster response.
Padayon usab ang monitoring sa mga lokal nga Disaster Risk Reduction and Management Offices (DRRMO) aron masusi ang kahimtang sa panahon ug malikayan ang posibleng peligro sa komunidad.
Giawhag ang publiko nga magpabiling alerto ug mosunod sa mga advisories nga ipagawas sa lokal nga panggamhanan ug sa mga otoridad.
Photo Courtesy: DKKV
